تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

الجيل اللى ف التلاتينات

طب والله الجيل اللى ف التلاتينات من عمره دلوقتى ده جيل منفوخ
الولادى منهم تلاقيه طالع عين اللى جابوه بقاله 10 سنين عشان يحاول يقف على رجله وخلاص متفرتك وقرب يخلص وتلاقيه بأه مهون على نفسه بإن قريب هيرتبط بأه وواحدة حلوة كده هتطرى عليه حياته وتشيل معاه
العبيط ميعرفش
مفكر إنها زيرو ولسة بتبدأ
ميعرفش إن لو هو بقاله 10 سنين بيتشقلب فهى بقالها بتاع 15 ولا 20 سنة كفرانة مع أهلها
ميعرفش إنها خلاص مبقتش شايفة قدامها من اللى شافته
ومش واخد باله إن هى كمان مخلصة وف عرض اللحظة اللى هتفك فيها من سجن بيتها

الإتنين يا عينى معتمدين على بعض
كل واحد مستنى التانى عشان يجى ياخد بإيده ويوصله لأى بر
لكن الحقيقة المرة إنهم الإتنين خلصوا تقريبا نص حياتهم على الكوكب ده ولسة معاشوش ولا جربوا ولا إستكشفوا
الإتنين راسهم فيها شعر أبيض
الإتنين جتتهم نحست من تلقيح كلام الخالات والجيران
الإتنين شبعوا قهر وأذى نفسى وجسدى

وف الأخر بيجوا يعيشوا مع بعض والأمال بتخبط ف الواقع ومبيطلعش فيه إحتواء ولا حنية ولا طاقة لكلام ولا لمناهدة ولا معافرة

بيطلع فيه بقايا بنى ادمين
بيطلع فيه عوادم حروب نفسية حصلت مع كل الأطراف

جيلنا شايف فوقه جيل راح ف ستين داهية عشرات المرات وبرضه مش راضى يكتفى من قلة القيمة
جيلنا شايف تحته جيل راح ف داهية خلاص و واقف متكتف مش عارف يساعد نفسه أصلا عشان يساعد اللى لسة بيطلع

‫#‏امل‬؟
‫#‏بقايا_3_اجيال‬
‫#‏اولاد_سليم_اللبانين_هم_الأمل‬

https://www.facebook.com/yahiakordy0/posts/1068348196550070

انتقل إلى أعلى