تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

سؤال عن الـ Self learning؟

سمعت ان حضرتك تعلمت تعلم ذاتى فى مصر ..ازاى ؟ و الشهاده عملت فيها ايه ؟
انا بفكر اعمل ذيك بالضبط و اسيب التعليم النظامى المصرى و ابدء تعليم ذاتى بس محتاج نصايح.. لو تفضلت ممكن تدينى نبذه عن الموضوع ؟

انا مسبتش التعليم .. انا اتخرجت من معهد تكنولوجيا “سنتين” .. فانت هاتحتاج شهادة “من بلدك” بغض النظر عن اى حاجة ..لانها ممكن تنفعك فى الاوراق او جواز السفر او اى حاجة “ملهاش لازمة” بس هما بيدققوا عليها.. فمتعملش حاجة رائعة وتضيع على نفسك حاجات كتير بسبب حاجة متخلفة وصغيرة بس لازم تتعمل.

انا كنت بدرس مجالى كـ Social Media اونلاين
مأخدتش اى شهادات بس قدرت اثبت انى عندى خبرة عن طريق تطوعى فى اكتر من مكان جمعيات/مؤسسات/انشطة طلابية
وقدرت احقق معاهم نتائج كويسة .. وشغلى حل محل الشهادة كأثبات انى عندى خبرة كويسة وفاهم فى الجزء دا.. ودى الفكرة المفروض ان الشهادة بتثبت دا …فالاصل اثبات انك فاهم بجد بغض النظر عن الاثبات بشهادة او لا.

فكرة التعليم اونلاين فيها ميزة خرافية… بس احيانا الميزة دى بتبقى عيب رهيب “عندنا”
الفكرة المفروض بتبدأ انك بتقرا عن مجالى معين .. مثلا انا قررت ادرس عن الـ Digital Marketing
انت بتشوف ايه كل الحاجات اللى انت ممكن تدرسها ..يعنى بتاخد فكرة عامة عن كل الحاجات اللى تقدر تتعلمها جوه الموضوع ده .. مثلا “SEO – Social Media – EMail Marketing… وهكذا ..بتاخد فكرة عن كل حاجة منهم ايه .. علشن تحدد انت هاتتخص في ايه .. هاتخصص هنا معناها انك هاتدرس المجال لفترة .. ومش هاتمتحن فيه ..بس هاتروح تطبق الحاجات دى بنفسك فى اماكن ..فانت لازم تاخد نظرة محترمة فى الاول عن كل الاختيارات وبتبدأ بعد كده انك تتخصص فى حاجة منهم.
نصيحة: ادى لنفسك فرصة كافية تشوف كل حاجة منهم … بعدها قرر انك تبدأ بحاجة واحدة علشان تقدر تحقق فيها حاجة .. لو بدأت باكتر من حاجة “نظريا هاتحقق حاجة اكبر لو كملت فيهم لفترة” .. عمليا دا مش بيحصل لانك بتكون زهقت انك بقالك فترة كبيرة ومحققتش حاجة فبتزهق وبتمل.

طيب بعد ما اخدت فكرة عامة بتبدأ تخصص فى حاجة … انا مثلا قررت انى ادرس Social Media… وهنا بتبقى اهم ميزة فى الموضوع وفى نفس الوقت اكبر مشكلة بالنسبالنا
شخص بقاله ما لا يقل عن 10 سنين فى نظام تعليمى عقيم مفادوش باى حاجة غير انه عوده انه “يحفظ الخطوات”
اغلب الناس اللى بتنجح بتفوق فى التعليم بتبقى نجحت لانها فهمة طريقة حفظ الخطوات فى الحل ..مش حفظة الاجابات.. لو كانوا حتى حفظوا كل المعلومات مع تكرراها وتتابعها عليهم كانوا هياخدوا وقت قليل فى معرفة تطبيقها ..لكن اغلبهم للاسف بيبقى حفظ الخطوات فى المواد وطريقة الاجابة ..حتى مش بيبقى حافظ المعلومات ..فبيصبح اول ما يتخرج مش قادر يطبق لانه مش عارف معلومات اصلا …. الشخص دا لما بيبقى قدامه حجم معلومات فى المجال “المتخصص” اللى بيذاكره كبير ..بيحس بتهوان لانه مش متعود على “حجم المعلومات الكبير ده” ولا الطريقة اللى عايزاه يفهم “ومش هايمتحن فيه اللى بيذاكره دلوقتى” ..فبيبقى مش عارف يعمل ايه؟؟

اغلب الاشخاص “كل اللى عرفتهم او سمعت عنهم” ودرسوا اونلاين نجحوا” كان السبب الوحيد انهم قعدوا فترة كبيرة بيدرسوا مجال لفترة .. وكل ما بيقف قدامهم حاجة بيدوروا عليها فترة .. مفيش حاجة بيلاقوها بسرعة بس هما مش فمستعجلين لانهم مش هايمتحنوا فيها .. وهما اختارو الطريق ده وهما اللى عايزين يبحثوا فيه ..فالموضوع بياخد وقت وهما مستعدين من الاول لكده ..فدا بيفرق معاهم بيخليهم يكملوا .. الفكرة انك محتاج تدى لنفسك فرصة “تتعلم صح”.

انتقل إلى أعلى