تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

#Single_father

وعشان احنا في مجتمع متخلف وجادجمنتال .. وبيتريقوا ع الراجل اللي بكرش ويسخروا منه … ناس كتير خافت وراحت تشترك في جيم وتدفع الوفات عشان تتخلص من كرشها …انظمه غذائيه فيها فرنبيط وبروكلي …وشاي اخضر مر علي الريق ..حرمان من نوتيلا وسينابون ومكرونه بالباشميل البشاميل بيبظ منها …وحاجات كتير اوي بتتعمل خوفا من مواجهه المجتمع

كان ممكن البس كورسيه تحت اللبس … واشفطه لجوا لما اجي اكلم بنت حلوه … كان ممكن انزل الساعه 6 كل يوم الصبح واجري مع كايرو رانرز …او اتنطط ع السرير زي ميرفت امين عشان انزله …انزل كرشي يعني واخس …

كان ممكن انزله قدام اي معبد يهودي ..واقلبلهم ريحه المعبد

بس انا قررت معملش زيهم واواجه المجتمع المتخلف اللي احنا عايشين فيه … قررت ما انزلوش وما اتخلاش عنه … اه …مش هنزله وهسيبه كده ..ومش عاوز من حد حاجه …هسيبه وهكبره قدامي اكتر واكتر … مش هفرط في حاجه كبيره زي دي …وابدله بست مربعات صغيره وشويه عروق عشان ابقي fit ومقسم وانزل صوري ع الانستجرام …

هسيبه عشان يعرف اني ضحيت عشانه … هسيبه حتي لو مفيش بنت هتبصلي …هشيله دلوقتي عشان لما اكبر وابقي لوحدي وولادي يرموني في دار مسنين ..ومرات ابني تطفيلي السجاير في قفايا ..الاقي اللي يبقي جنبي ويواسيني

واه مش ذنبي اني في مجتمع متخلف بيحكم ع الراجل المصري انه اصلع وبكرش … والبنات بتتريأ علينا .. هسيبه وعارف انه هيأثر عليا ..بس حتي لو هعيش طول عمري #Single_father … عمري ما هسيبه …اه انا مش اول سينجل فاذر ..بس انا قررت اواجه …وعندي الشجاعه الكافيه اني اقول لا …يا مجتمع يا همجي يا متخلف ..

ويابنات بالله عليكم …اعرفوا ان الراجل اللي يبيع كرشه عشان يرتبط بواحده … صدقيني مع اول واحده غيرك هتعجبه … هيبيعك … عشان اللي يفرط في حته منه …سهل اوي يفرط فيكي … وسهل اوي يفرط سجاير من اي كشك

مش محتاج منكم حاجه غير الدعم عشان اقدر اكمل واواجه … اواجه مين مش عارف بس بجد لازم اواجه 😀

#ادعم_محمد_بن_جمال

#معتز_بكرشي #فخور_بوركي #امير_بفخدي

وشكرا

الحمد لله يارب <3 وعشان احنا في مجتمع متخلف وجادجمنتال .. وبيتريقوا ع الراجل اللي بكرش ويسخروا منه … ناس كتير خافت…

Posted by Mohammed Ben Gamal on Friday, January 13, 2017

انتقل إلى أعلى