تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

شكرا للبساطة

شكرا للبساطة ولكل حاجة بسيطة :
للخطوبة في البيت ، ولكتب الكتاب في الجامع ، للي مبيطلبوش الشبكة من الخطوبة ،للبدلة الرخيصة ، الكرافته الغالية اللي بتنطق البدلة الرخيصة وخلص الموضوع ، شكرا للتيشرت والجينز والكوتشي ، والبرامودا ، شكرا للموبايل الرخيص اللي بيشغل كل حاجة ، شكرا لفينيسيا بتاعت تيشرتات الكورة ،
شكرا للبس الرخيص بس شيك ، وللقهوة البلدي ، وعربية الفول ، وللخروجة عالكورنيش ، وﻷيس كريم الجوكي ، وحديقة الأزهر وجنينة الحيوانات ، للكتب الرخيصة المفيدة ،
شكرا لبياعين العتبة ، شكرا للصين ، شكرا لإسكندرية اللي بحر واكل وشرب وفسح بتمن ليلتين فشرم ، شكرا للمدير اللي بيهزر ، والظابط المحترم ، والدكتور اللي مبيتفلسفش عليك ، والمدرس اللي بيدي فلوس للي بيجاوب حلو ، شكرا للعروسة اللي مش عايزة سقف ساقط ولا غسالة أطباق ، للزوجة اللي مبتطلبش من جوزها الا لو عارفة انه معاه ، وللزوج اللي بيسيب مراته تخرج مع اصحابها ، للي بيعدوا للناس ، واللي بيسامحوا الناس ، واللي بيحطوا نفسهم مكان الناس ، للي بيدوك حقك حتي لو زعلانين معاك ، للي مبيسئلكش ليه ، للي مبيزنش عليك ، للي مبيعاتبكش فكل مرة تتصل بيه بعد فترة ، للي مبيزيطش لما بيكسبك في البلاي ستيشن ، اللي مبيتمنظرش عليك باي حاجة غالية جايبها ، اللي بيقولوا للناس لبسكم حلو وشكلكم حلو وشعركم حلو وانتوا حلوين ، اللي بيدوسوا لايك علي صور وبوستات الناس عشان يفرحوهم .. للي بيخشوا المكان بهدوء ويخرجوا منه بهدوء وبيسيبوا أثر ..للي موجودين دايما.
‫#‏البساطة‬ ‫#‏الناس_الحلوة‬ ‫#‏بوست_يقبل_إضافتك‬.

شكرا للبساطة ولكل حاجة بسيطة :للخطوبة في البيت ، ولكتب الكتاب في الجامع ، للي مبيطلبوش الشبكة من الخطوبة ،للبدلة…

Posted by Mohamed Enal on Saturday, October 10, 2015

انتقل إلى أعلى