الهدف من فكرتنا

الهدف من فكرتنا اننا نضيف قيمة فى المجتمع ..
او ننشر مبدأ القيمة المضافة بين الناس خاصة على مواقع التواصل الاجتماعى

يعنى ايه نضيف قيمة؟
ويعنى ايه قيمة مضافة؟

“هناك فرق بين كلمة “عميل” و كلمة “مستخدم
العميل هو الشخص الذى يدفع لك رسوم فى مقابل استخدام خدمتك او منتجك
المستخدم هو شخص يستخدم منتجك او خدمتك ولا يدفع لك شىء فى المقابل 

كمثال:
معظم الناس يستخدمون محرك بحث جوجل وخدمة البريد الالكترونى الخاصة بجوجل “جيميل” بدون دفع مقابل ..هؤلاء هم المستخدمين
فى حين ان بعض الاشخاص او الشركات يقومون بدفع رسوم اشتراك شهرية فى مقابل استخدام نفس الخدمة ولكن ببعض المميزات الاضافية ..هؤلاء هم العملاء 

للاسف الوضع المنتشر فى فى وطنا العربى بشكل عام هو ان الشركات تهتم بالعملاء ولا تهتم بالمستخدمين
اغلب الشركات “شركات التقنية بالتحديد” تعتمد على شبكة العلاقات فى جذب عملاء 

مثلا مدير البيع فى اى شركة يعرف مدير تسويق فى شركة تانية ..يتواصل معه ويتم الاتفاق على العمل
لذلك تجد اغلب” “ان لم يكن كل” الشركات صفحاتها على مواقع التواصل الاجتماعى ضعيفة جدا
والمقصود بالضعيفة هى انها لا تقدم قيمة للمستخدمين العاديين
كل اللى الصفحات بتعمله انها بتقوم بنشر
الصبح: تنشر كلمة صباح الخير مع كوباية شاى او قهوة وقطعة كيك
بالليل: تقوم بنشر مساء الخير مع اى صورة متصورة باليل
خلال النهار: تنشر مقولات مع كام منشور “ايمانيات و روحنيات وصعبنيات” تيجى تشوف انك كمستخدم استفدت ايه
لا شىء

على الرغم من ان كل الشركات “بتقول” انها هدفها خدمة المستخدم
ولكن كل افعالها بتخدم العميل ومفيش اى حاجة بتخدم المستخدم فعليا
والافادة مش مقصود بيها العروض والخصومات “الرهيبة” اللى بتعملها كل شركة على منتجاتها
المقصود هو حاجة بتفيد المستخدم وبتفرق معاه من غير ما يدفع فى كل معلومة رسوم.

المشكلة الاكبر انه للاسف المستخدم مش عارف حقه ..انه لما بيتابع شركة المفروض انه بيستفاد حاجة او بيتعلم حاجة ..بيستفاد باى شكل علشان يقدر يفيد او ينقل الاستفادة لغيره
علشان كده تجد ان اغلب المستخدمين على مواقع التواصل الاجتماعى تواجدهم للاسف عديمة القيمة
اغلب الناس قاعدة تنشر مقولات وصور ممثلين وحكم …فين الافادة من استخدامك ده ..مفيش!!!! ليه ..محدش يعرف
لانه ببساطة مفيش حد بيشوف امامه امثلة “من حتى اشهر الشركات” اللى هو متابع ليها ومتابع للناس اللى بيشتغلوا فيها بيضيف قيمة
لو انت تابعت اكتر من شخص ولقيتهم بينشوروا معلومات او بيتبادلوا الخبرات “بجانب الجزء الاجتماعى من التواصل مع الناس” هتلاقى نفسك انت كمان بتستخدم المواقع دى وبتضيف فيها قيمة “زى باقى سكان المجرة” اللى بيعملوا كده 

 SBKits احنا فى 
 هنحاول نقدم مثال على ازاى ممكن تضيف قيمة وتفيد الناس وانت شغال فى مجال عملك 
 وبرضه ازاى تتفاعل بطريقة اجتماعية ولكن مفيدة وانت بتتفاعل مع الناس على مواقع التواصل الاجتماعى

احنا مش هدفنا اننا نحول كل الشركات لجمعيات خيربة ..احنا هانقولك معلومات “للشركات” ازاى تطور فكرتك وتحقق عائد منها بشكل اكبر
ولكن دا بجانب انك بتساعد الناس وتفيدهم ولو بجزء صغير
بحيث تتنقل الفائدة من شخص لاخر ويبقى احد معاير التنافس بين الشركات هى القيمة المضافة اللى كل شركة بتقدمها 

انتقل إلى أعلى