تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

To Me Marketing is about Value

لو روحت منطقة متعرفش فيها حد ولقيت فى دكتور كبير وعنده عيادة فخمة جدا وعليها زحمة ..هاتقول عليه دكتور كبير ومشهور ..لو الدكتور ده جاب واحد عاطل “مشتغلش اى حاجة فى حياته” او واحد كان بيشتغل فى اى مجال تانى غير الطب و لبسه بالطو الدكتور وخلاه يستقبل الناس ..ويسأله مشاكلكم ايه ..والناس قالوله على المشكلة وراح قالهم اعملوا الاشعة دى “اختارلهم نوع من القائمة اللى الدكتور الحقيقى محددهاله” .. والناس جابتله الاشعة راح عرضها على الدكتور الحقيقى ..والدكتور كتب الدواء ..والناس خفت,
هل الشخص دا ينفع يتقال عليه دكتور!!!!!

هو المثال ده ينطبق على حاجات كتير بتحصل معانا … بس لو اتكلمت فى مجالى:
اى حد بيشتغل فى اى جرنال من “صحائف الـ Traffic او اى حد بيشتغل فى “اى شركة اتصالات” وظيفته انه ينفذ كلام بيتقاله من غير ما ييفكر فيه ولا يقدر يعدل عليه ولا بيعمل اى حاجة تانية بعيدة عن الاماكن دى … كل اللى بيعمله انه بينشر حاجات وبيرد على “بعض الناس” ممكن تبطلوا تقولوا عليه انه Social Media لحد ما يثبت ده.

انا مش بعمم ..وفى ناس هناك فعلا بتفهم جدا ..بس المعيار كما قال ستيف جوبز
To Me Marketing is about Value

انتقل إلى أعلى