تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

What is School for

What is School for?
دا كان محاضرة عظيمة جدا جدا لـ سيث جودن
كان الملخص بتاعها
The school was about teaching obedience
المدرسة “او بالاصح نظام التعليم” موجودة علشان تعلمك الطاعة والامتثال …فقط لا غير

في حاجات كتييير فاكرين اننا بنتعلمها reverse engineering وهي ملهاش اي علاقة بالفكرة
الـ reverse engineering انك تشوف حاجة تفككها علشان تعرف تكوينها وطريقة علمها وترجع تركبها تاني

والمدرسة ونظام التعليم بشكل عام وفي مصر بشكل خاص ابعد ما يكون عن انها تعلمك ده، لان اللي بيضعوا المناهج متخصصين في وضع “المنهج”، بغض النظر عن علاقة المنهج دا بواقع سوق العمل “حاليا”.

واحد من المشكلات الاساسية في طريقة التعليم هي انها كان بتعلمك حاجات “مفككة”، يعني حتي لو اتعلمت حاجة صح، فهي مش بتقولك استخدامتها في الحياة او في الشغل، هي بتحفظك المثال اللي هايجي في الامتحان…وانت بتبقي عايز تخلص فمبتفكرش، ولو فكرت هيتقالك “دي مش هاتيجي في الامتحان”، سيبها.
المدرسة والجامعة بتعلمك ترفع ايديك وتستني “يختاروك للاجابة”، متحلش ،متجاوبش غير لما تاخد اذن، الاجابة تكون بنفس الطريقة اللي اتقالتك، لان اللي هيجاوب اجابة “غير المحددة” يبقي يخلي امه تنفعه…ودا اللي بيعمل منك موظف “مثالي”
في الطاعة وسمعان الكلام
في الخوف من التجربة
في انه يعلمك تسمع اي كلام/هبد بيتقال من شخص “ذو منصب” من غير ما تفكر فيه

سيث جودن اكد في الاخر علي نقطة ان
anything is worth memorizing is worth looking up
مفيش اي معني في انك تحفظ شوية حاجات ملهاش لازمة بسوق العمل ومش هاتنفعك ولا هاتشغلك في توقيت انت محتاج تجرب وتتعلم حاجات كتير وتمشي باقصي سرعة ممكنة علشان “بس” تحافظ علي مكانك.
فنظام التعليم بيحفظك كل حاجة الا انه يعلمك ازاي تختار ، ودا شيء سيء كلنا بنمر بيه…لكن قلقك وخوفك وحرصك الشديد عليه بيضيع عليك وبيلهيك عن الحاجات اللي المفروض تكون حاليا بتعملها.

حط اهادف مناسبة لمرحلتك التعليمية – بغض النظر – انت عندك 15 سنة او 30 سنة او 55 سنة – شوف انت واقف فين، محتاج تدرس ايه وادرسه بشكل موازي وحقق هدف لنفسك بدل ما تضيع عمرك بتحققلهم اهدافهم

انتقل إلى أعلى