تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

ليه بتفشل انك تتعلم

في الاغلب لسببين:
١- انك بتحب الحاجة اللي بتتعلمها .. ودا للاسف غلط
لانك بتبقي في حالة اعجاب – مش حب – بالحاجة..حرفيا اللي بيحصل انك بتعجب بحاجة حد بيقولها ..وانت لسه متعرفش عنها حاجة – في بعض الاحيان متعرفش التعريفات الاساسية فيها – فدا مينفعش يبقي حب… وحتي وفي نفس الوقت معملتش بحث عن الموضوع علشان تحاول تفهم فيه شوية…قبل ما تتكلم عنه.
دا غير ان اغلب الناس اللي بتنجح في الاغلب بتنجح لانها بتعجب بعيوب الحاجة قبل ما تعجب بمميزاتها
ففي حد بيعجب بمجال – او جزء من مجال – والناس تقوله ليه متقولش انك بتعمل المجال كله ..وهوا بيقولهم لا ..انا معجب بالجزء ده بس ….
وحد تاني بيعجب بمجال اسمه مش منتشر ..وبيشيل مسؤلية انه ينشر الموضوع ويعلم الناس ويدوخ وهو قدامه مجالات تانية ممكن يعملها بسهولة ..لكنه بيختار ده …
لكن اللي بيحصل انك بتشوف حد بعد ما بقي شخص ناجح ..جايبينه في ايفينت علشان يحكي تجربته “ويفرد عضلاته” ..فتقوم انت مبهور ومندهش – والله عليك يا استاذ غسان – وتخرج من الايفينت تقول ..
الله ..انا لازم اشتغل في المجال ده ..انا حبيت المجال ده 😀

٢- لانك بتكسل تدور وتتعلم .. انت بتحمل كورساااااات كتيييييييييييير بس مش بتتفرج علي اي حاجة منهم .. كل ما ينزل كورس/كتاب جديد تحمله ..كل ما ينزل كورس او كتاب جديد تحمله…
فاصبح كل واحد مننا عنده كمية كورسات وكتب للتخصص اللي “بيحبه” ممكن تكفي لتعليم كل العرب..والعجم
والفرس والروم وفيلم troy وعزبة محسن ورجالة Lord of the rings كلهم وسكان كفر ابو قتاتة.
.عنده بس مش بيفتح اي حاجة منهم…
ممكن تجرب “تعاقب” نفسك بانك متنزلش كورس/كتاب غير لما تكون قريت اللي نزلته قبله.
ولو سمحت حاول تعّرف حالتك كويس علشان تقدر تساعد نفسك ..دا لمصلحتك انت والله

انتقل إلى أعلى