تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

اعدل الشبشب علشان حرام

انت كواحد من الشعب “المتدين بطبعه” بتعمل حاجات كتيييير غلط ..بتيجي عند الشبشب المقلوب وتعدله علشان حرام ..اشمعني بقي الموضوع ده بالتحديد اللي محافظ عليه ؟

من وجهة نظري الموضوع مبني علي التعود والمكافأة
انت زمان كنت بتتعلم بسرعة
لانك كنت بتدرس في الحضانة ..لما بتغلط بيتصححلك علي طول …ولما بتخلص الاخر بتاخد نجمة او عشرة علي عشرة
نفس الكلام مع فكرة الشبشب ..انت اتقالك حاجة “اعدل الشبشب” علشان حرام ..ولما كنت بتعدله ..كنت بتحس انك عملت حاجة كويسة او علي الاقل بعدت عن حاجة غلط ..فانت اخد مكافئتها.. والموضوع بيخلص هنا.

مفيش حد ضربك علشان عدلت شبشب “الموضوع” اللي بتحبه وسيبت الشبشب “موضوع مبتحبوش” التاني ..
مفيش حد قارن بين شبشبك “دراستك” وبين شباشب “نتائج/درجات” ولاد عمك او بنات خالتك..
مفيش حد كان بينتقد شبشب “مجال شغل معين” علشان بيخيلك تحب شبشب “مجال شغل تاني” ..لانه عايز يشوفك فيه..
مفيش حد انت شايفه متبهدل مع شبشبه “شغله” ..وجاي يديك نصائح عن ازاي تعدل شبشبك “شغلك” ..

كمية التناقضات اللي عشتها خلتك في حالة لخبطة .. مش قادر تاخد قرار ..ومع الوقت لما بتشوف حد اخد قرار هو مقتنع بيه ..بتحاول تقول عليه دا فشل او مش هاينجح ..دا مش علشان انت بتكره ..بس دا علشان متكرهش نفسك ..علشان تحسس نفسك انك كويس والموضوع تمام ..مع انك كلامك عنه بيبان قدام الناس انك بتكرهه او علي الاقل مدايق منه ..اهم حاجة لما الدنيا تلف ويجي دورك وتاخد القرار ده ..خليك فاكر ان انت صح ..وان كلامه المحبط ليك دا نتيجة لخبطة منهم ..وانهم – او علي الاقل جزء منهم – فعلا بيحبوك

متخليش حد يقولك اعمل الحلم دا “اى حلم” سواء لانه: مطلوب – مفيد – انت كويس فيه – هينجح…لو انت مش مقتنع بالحلم ده ..ومهما كان هما شايفينه الافيد ليك ..ومهما قالوا عليك فاشل او غلط .. وفَر وقتك لحاجة تانية تعرف تنجح وتبدع فيها

لازم تبدأ تتدرب على سماع المُحبطات ، على الارهاق النفسى ، على المسؤولية ، على الحرب مع نفسك قبل اعدائك ، على الشرود طول الليل وعلى الثقة فى انك هاتوصل هاتوصل لو استمريت فى حربك مع معتقداتهم ومُحاولاتك يومياً…علشان كده كده انت تلقائيا كل ما تشوف شبشب هاتفضل تعدله smile emoticon

انتقل إلى أعلى