تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

مش إحنا إللي بنهين المؤسسة

– اللواء حسام سويلم : صاحب نظرية مجلس إدارة العالم ؛ ويعتقد أن هناك مخطط لتنفيذ حروب الجيل الرابع على مصر بإستخدام طائر نقار الخشب والجراد رباعي الأجنحة .. كشف مؤخرا عن خطط أمريكية لحقن قشرة الأرض بالزئبق الأحمر لتهييجها بركانيا وإثارة الزلازل ضمن خطط كونية ماسونية لتدمير مصر .. أذاع في أكتوبر الماضي معلومات موثوقة عن أن الرافعة التي سقطت في مكة سقطت نتيجة قصف بسلاح العالم الجيوفيزيائي ” السري ”

اللواء حسام سويلم عمل لعدة سنوات وحتى نوفمبر 2014 كمدير لمركز الدراسات الإستراتيجية للقوات المسلحة المصرية .. وهو المركز المسؤل عن وضع الخطط والاستراتيجيات لمنظومة الامن القومي المصري .. بالإضافة لخطط التسليح وتقديم المشورة في القضايا الإقليمية لقيادات الجيش المصري .. كما أنه ولا يزال يعمل كأستاذ ومشرف عام على مناهج ” كلية القادة والأركان ” .. وهي الكلية المسؤلة عن إعداد القادة في الجيش المصري .

– اللواء حمدي بخيت .. يعتقد أنه لسبب ما يمكن إستخراج الخرسانة من شجر الموز .. وكمان أكد في فبراير إللي فات إن الجيش المصري أحبط مخطط أمريكي لإحتلال السواحل المصرية .. ودرات معركة على سواحل الاسكندرية أسفرت عن طرد حاملة طائرات أمريكية حتى المياة الدولية .. من أكبر المدافعين عن علاج الإيدز بالكفتة .. وهو أول من أعلن عن ” اختراع جهاز احطو في المبنى انتى ما تدفعيش فاتورة ” .

اللواء حمدي بخيت كان ظابط مخابرات .. وبعدين مستشار مدير كلية القادة والأركان .. وحاليا عضو مجلس شعب ومرشح لرئاسة لجنة الأمن القومي والدفاع في البرلمان smile emoticon

– اللواء احمد حلمى الهياتمى .. مؤسس نظرية الرياح الشمالية الغربية لإستخدامها كمنظومة دفاعية ضد الاسلحة النووية الإسرائيلية .. ولسبب ما يعتقد إن البحر حنين والمحيط هايج .

اللواء احمد حلمى .. كان مستشار تخطيط للقوات المسلحة .. وبعدين بقى مدير كلية ضباط الاحتياط .. وحاليا محافظ للسويس .

طبعا القايمة طويلة جدا تبدأ من اللواء ثروت جودة وكيل المخابرات إللي أكد إن محمد مرسي عميل لأمريكا .. وهوا إللي جرجر مدير الـ CIA في الكلام لغايت ما اعترفله … ومرورا بال 20 لواء محافظ و اللواء عبد الرافع درويش إللي بيقول إنه معاه عقود شراء اثيوبيا وراندا D: .. وصولا إلى العقيد هشام سرور إللي واخد لقب باحث في مخطط هدم مصر .

وبعد كل دة واحد ييجي يقولي إننا إحنا إللي بنهين المؤسسة العسكرية المصرية وإحنا إللي مبنحترمهاش .. مفيش حد مرمط سمعة العسكرية المصرية غير المحسوبين عليها .. إحنا كنا باقيين على صورة الجيش لأخر لحظة .

لكن محدش بيهين الجيش غير الجيش .. ماسورة اللواءات اللي طفحت في وشنا دي .. مش مجرد اشخاص عاديين كانوا محسوبين على الجيش .. الناس دي كانت ومازالت في مواقع قيادية تخطط لمستقبل مصر .. شوية المجانيين دول هما إللي بيديروا البلد .. وهما إللي بيتصدروا واجهة العسركية المصرية إللي أتمرمطت على ايديهم .

مش إحنا إللي خلى الجيش يخلف وعده ويدعم جنرال هفأ للرئاسة .. ومش إحنا إللي خلينا اللواء طاهر عبد الله رئيس الهيئة الهندسية للجيش يتورط في جهاز الكفتة .. مش إحنا اللي ورطنا الجيش في الدم في ماسبيرو ومجلس الوزراء وغيرهم .. مش إحنا إللي قدمنا اللواءات دي للمشهد وخليناهم يهرتلوا ويبقوا مادة للسخرية في كل الوطن العربي .

إللي بياخد معونة من أمريكا هوا إنتم .. وإللي فتح سفارة اسرائيل من شهرين هوا إنتم .. وإللي رجع السفير المصري لإسرائيل من اسبوعين هوا إنتم .. وفي الأخر بتقولوا علينا إحنا خونة وعملاء لإسرائيل .. والمفروض نحترمكم !!

– اللواء حسام سويلم : صاحب نظرية مجلس إدارة العالم ؛ ويعتقد أن هناك مخطط لتنفيذ حروب الجيل الرابع على مصر بإستخدام طائر…

Posted by Mahmoud Mohamed Hegazy on Monday, January 11, 2016

انتقل إلى أعلى