تجميع لمحاولات تفّكر
اللى فاكر جهله بأمرا ما يشفع ليه،
ده تناسى ان اقرأ اول كلمة نزلت على نبيه
لا يوجد حقوق ملكية، انسخ ما تشاء
لو التفكير مكنش عبادة يبقي ايه لازم الغيب
لولا إن التفسير إتطور كان زمانها خلاص مش آيه
يسقيك ولا يرويك
لقيت الناتج صفر، اسف لو ضيعت وقتك

 

تصنيفات

الهدف السؤال وليس الاجاية
اسعي، و علّم عشرة
قادر ، والدليل ان الحياة مهزمتكش
من وانت بتحبي وهي بتحاول متقومكش

الدنيا مبتديكش اللي انت شايفه عليك كتير 
ما دام هتحلم .. اوعى تحلم الا حلم كبير 
في ناس وصولها راح هدر عشان لحظة تأخير 
سابق بشراسة … كإنك بادئ الأخير

عاندي فينا أكتر … لسه فينا حيل نعاندك
تيجي فينا ايه يا دنيا … ورينا اللي عندك
اقفي بيننا وبين هدفنا ، وأخريلنا ساعتك
هنوصل في الميعاد ، ونحتفل داخل ملاعبك

 

زوبا

– الخطة كالآتي … كل سبت بتطلع 3 عربيات كبيرة من البنك المركزي معاهم حراسة … بيلفوا يلموا الفلوس من البنوك التانية … علي 4 أو 5 كدة العربيات دي بيبقي فيها حوالي من 40 ل50 مليون جنية مصري … أدهم خبير المفرقعات هايروح يشتغل في البنزينة إللي بيروحلها العربيات دي و لما يكشفوا هوا هيركب متفجرات في الكاويتشين الشمال … العربيات في آخر خط سيرها هيمشوا علي كورنيش النيل ناحية التحرير … سعيد و عمده هيبقوا راكبين عربية و معاهم مفجر عن بعد و ماشيين وراهم … هايشغلوا المفجر فال3 عربيات كاوتشاتهم هتفرقع و هايتقلبوا في النيل … فيه مركب هتبقي مستخبية تحت كوبري قصر النيل عليها نوح خبير الغطس و شرقاوي خبير لحام تحت الماء و أنا … نوح و شرقاوي هايغطسوا لغاية العربيات بأدوات اللحام و يسيحوا حديد العربيات و ياخدوا الفلوس إللي فيها في هدوء و يرجعوا تاني المركب و المركب هترجع بينا تاني علي المعادي … و هنتقابل كلنا في فيلا مأجرها في الفيوم و نقسم الفلوس .
– طب ما تيجي نفتح محل فول و طعمية في الزمالك و نجيب طباقنا و حللنا و جرادلنا القديمة من بيوتنا و نمثل كأننا عاملين ديكور معفن و نبيع سندويتش الفول ب5 جنية و البيض ب8 جنية و نسميه زوبا ؟ متهيألي هنسرق فلوس أكتر
– فكرة أحسن بكتير … يلا نعمل كدة

– الخطة كالآتي … كل سبت بتطلع 3 عربيات كبيرة من البنك المركزي معاهم حراسة … بيلفوا يلموا الفلوس من البنوك التانية…

Posted by Hatem El-Awa on Tuesday, December 2, 2014

انتقل إلى أعلى